यहि अगष्ट १४ देखि २४ तारिखसम्म अस्ट्रेलियाको डार्विनमा आयोजना हुने टप इन्ड टी–२० क्रिकेट खेल्ने नेपाली टोलीको घोषणा भएको छ ।
नेपाल क्रिकेट संघ क्यानले आज रोहित पौडेलको कप्तानीमा १६ सदस्यीय टोलीको घोषणा गरेको हो ।
सो प्रतियोगितामा पहिलोपटक सहभागीता जनाउन लागेको नेपाली टोलीमा कप्तान पौडलसँगै दीपेन्द्रसिंह ऐरी, आशिफ शेख, सन्दीप लामिछाने, कुशल भूर्तेल, कुशल मल्ल, गुलशन झा र आरिफ शेख छन् । यस्तै,भीम सार्की, रुपेश सिंह, सोमपाल कामी, नन्दन यादव, करन केसी, रिजन ढकाल, लोकश बम र ललित राजवंशीपनि टोलीमा समावेश छन् ।
पछिल्लो पटक नियमित रुपमा राष्ट्रिय टोलीमा रहँदै आएका अनिल शाहले अस्ट्रेलिया भ्रमण गुमाउने भएका छन् भने टोलीमा स्थान बनाउन नसकेका कुशल मल्लले टोलीमा पुनरागमन गरेका हुन् ।
१० दिनसम्म चल्ने प्रतियोगितामा पाकिस्तान ‘ए’, बंगलादेश ‘ए’ र अमेरिकाको माइनर लिग विजेता सिकागो किंग्सम्यान लगायत बिबिएलका विभिन्न टोलीले प्रतिस्पर्धा गर्नेछन् ।
प्रतिक्रिया