संसद् भवनमा महिला शौचालय बढाउन माग गर्दै जापानी प्रधानमन्त्रीसहितको ज्ञापनपत्र

उनीहरुले तल्लो सदनको नियम तथा प्रशासन समितिका अध्यक्ष यासुकाजु हमादालाई ज्ञापनपत्र बुझाएका हुन् । यस मागमा अध्यक्ष हमादा सकारात्मक रहेको जापानी दैनिक पत्रिका आशाही सिम्बुनमा प्रकाशित समाचारमा उल्लेख छ ।

जापानको ४ सय ६५ सिट भएको जापानको तल्लो सदनमा अक्टुबरमा २०२४ को निर्वाचनबाट ७३ महिला निर्वाचित भएका छन् । यो अहिलेसम्मकै उच्च संख्या हो । यसअघिको किर्तिमान सन् २००९ को निर्वाचनमा बनेको थियो, त्यतिबेला ५४ जना निर्वाचित भएका थिए ।

विपक्षी दलकी सांसद् यासुको कोमीयामाले प्रायः अवस्थामा संसद् बैठक सुरु हुनअघि शौचालयमा लामो लाईन लाग्ने गरेको बताइन् । संसद्को बैठक कक्षनजिक दुईवटा कम्पार्टमेन्टसहितको एउटा शौचालय छ ।

समग्र संसद् भवनमा २२ वटा कम्पार्टमेन्टसहितका ९ शौचालय छन् । जबकी पुरुषका लागि ६७ वटा स्टल्स र युरिनलसहितका १२ वटा शौचालय रहेको स्थानीय मिडियाले जनाएका छन् । -ekantipur